零失手星球燈．躺着看太陽系
2016年9月26日 <<新假期>>
七彩 星球燈 │2小時零失手新手班！女生必整！
記得中秋那夜，女朋友說：「我要天上的月光，你摘下來送給我」，如果你拿出一盆清水，用那老掉牙的方法，注定換來一盆冷水照頭淋。圓，有種魔力，尤其皎潔明月，人皆好之，看著就治癒。但苦等良久，陰晴圓缺，與其「望天打卦」，不如做個「治癒的圓」送給另一半，讓她實實在在拿上手、放枱頭，工作累了，望著就感治癒。採訪：廿四孝暖男 攝影：Wing
零失手星球燈 躺著看太陽系
「月亮代表我的心」，對著女朋友說，很「娘」，但送她一顆月球燈，卻無不心動。可是台灣正貨到港需時，本地Workshop以硅膠倒模也要4-7小時。不如來個零失手 星球燈 。
今 次介紹Make Centre的 星球燈 ，改良自坊間月球燈。工作室有3,000呎很闊落，上堂也特別舒服。導師Kady 是其中一位合伙人，今次的 星球燈 由她設計及教授。材料以黏土為主，可輕易上手；而且有別坊間，這裡預先提供球形打底，簡化倒模步驟，兩小時內可完成，手殘如我也無失手。主要步驟是調色及 塗上黏土，亦會加入砂粒及螢光粉，令星球表面更具質感及增加光度。難度則在於控制透光度，鋪上黏土時要拉得夠薄。導師建議，在數處留有厚度作起伏效果， 提高星球真實感，喜歡的更可做個小山丘。
幾
除了星球，因黏土變化多，只要是球形都可做到。近期Pokemon 大熱，不妨參考圖中設計。唔通我係個精靈訓練員都話你知咩！
【港創．意】送出人情細味 DIY精美小品！
原文:
http://www.price.com.hk/news.php?sec_id=11&id=5885
【港創．意】送出人情細味 DIY精美小品！
1日前
Make Centre導師 ︳Kady Fung
送份人哋鍾意嘅禮物，都唔係單純金錢可以解決嘅問題，有時諗到頭都大埋！反而自己多手handmade一件，會唔會仲易得到歡心呢？其實自己造一份禮物，可以好實用之餘又會過足手癮，可能仲抵玩！
如果你都有興趣handmade一份禮物，但又對自己嘅手藝冇乜信心嘅話，Make Centre會好樂意指點吓你嘅！Make Centre係一個手工藝品workshop，裡面其實由好幾個年輕嘅藝術工作者打理，以及教授唔同嘅手工藝課程，就好似有木製音樂盒、時鐘、字母燈箱、皮具等等，林林總總，聽講佢哋仲陸續諗緊有咩作搞作！
Kady係Make Centre嘅導師，但另一方面，佢亦都係Make Centre創辦人。Kady：「我開咗Make Centre總共都有5年，起初就係喺觀塘嗰邊，地方大概只有三百呎左右，唔係好大，所以有啲手作唔可以喺嗰邊做，咁漸漸教班多咗收入都穩定咗，就喺上年搬咗過嚟新蒲崗新址。地方大咗，機械都多咗，所以我哋開多咗好多唔同嘅班。」
Workshop嘅課程當然唔少，不過唔想一開始就太複雜嘅話，就可以從DIY音樂盒、小燈箱開始，一個小小嘅手作，都已經包含咗木工、電子、機械，仲有藝術，好幾種元素喺入面，唔留心上堂都有機會失敗o架！Kady話，每逢大時大節如聖誕、情人節前夕，嚟報名「趕工」嘅人一啲都唔少，尤其係近排好紅嘅「小王子」燈咁，用嚟送禮、自用都一樣咁開心，加上製作唔算得複雜，造好之後仲可以自己上色，聽落都幾唔錯吖！好，等小編等吓小王子燈難唔難整先！
原來導師會預先將小王子燈需要嘅木材預先切割好，唔切自己「操刀」安全得嚟，仲大大提升作品質素！而學員接過板材之後，只係需要些少打磨，基本上就可以用萬能膠、剪刀，同一啲好簡單嘅工具就可以「開工」！
經過電腦畫圖，就可以輸入鐳射切割機替木材塑形。
簡單修口，就可以交由學員使用。
除了木材，學員仲需要連接燈泡。
最後，經過上色就完成好「小王子」燈。
通電後嘅「小王子」似乎仲精靈喎！
有好多人都會問，究竟手作禮物耐唔耐用，會唔會造咗出嚟唔夠靚？呢層小編可以話你知，其實好嘅手工精品一啲都唔小學雞，喺創作過程一樣搞盡腦汁、花盡心機，你想你嘅製成品美觀、耐用，就要從製作中嘅每一個細節著手，造好之後，成功感比起買一份禮物就大得多！
【行行出狀元】小手作不兒嬉
Yahoo財經 – 2016年6月13日週一香港時間下午1:29
Yahoo財經 – Kady（右）表示，只用了半年時間，就達到收資平衡。（相片由受訪者提供）
很多人覺得手作仔當興趣還可，但要全職瞓身做，想法未免天真。不過現實中，興趣當飯食也有不少成功例子。有80後開設全方位手作工場，把雕刻和鐳射切割等元素結合，逆市中成功擴展。想手工仔創業，快看箇中成功因素。
「Make Centre」工場創辦人Kady Fung，現於新蒲崗工廈單位租了3千呎地方，有教班的課室、木工工場、鐳射切割工場，以及3D立體打印工場。開辦工作坊外，工場亦會提供租用機器服務、出租教室地方，務求物盡其用。
小店宣傳靠口啤
現時工場有六成收入來自公司客戶，包括提供公司集訓、聯誼活動，以及協助不同公司製作紀念品，業務亦趨多元化。
大學修讀藝術的Kady，主要學習中國文化藝術，對篆刻石雕特別感興趣，並拿了獎學金到台灣國立藝術大學讀書，了解到當地手作工場及市集如何運作，深深覺得中國的古典藝術仍有市場。
300呎夢工場起家
「當時是2008年，台灣已很流行創意市集，我見到有很多富有中國特色的產品，配上現代設計，原來非常漂亮，且可成為受歡迎的生活潮物呢。」3年後，她在觀塘工廈開了一間面積300呎的工作坊，教人雕石印章。
Kady笑說，當時沒有長遠計劃，只希望可以養活自己及夠畀家用，頭半年一邊工作坊，一邊靠兼職教書幫補收入。一開始工作坊，由雕刻最基本的部分開始教起，「但這很不實際，因為每次活動時間太長，時間成本不划算，大部分客人是情侶，他們只想體驗一下，2小時後希望可以拿走製成品。」
拋開過度理想化
「我比較喜歡賣自己手創的作品，但後來亦發現不能回本，是在浪費時間。」調整策略後，Kady準備好雕章的前期工序，縮短工作坊的時間，剛好半年時間，就達到收資平衡，就慢慢想到進一步擴展生意。
碰巧工作坊旁邊的單位，是個鐳射切割工場，當時只做工業訂單，最多是做店舖招牌切割。「我試著問他們有沒有興趣合作，他們也覺得可以一試，就開設了鐳射切割工作坊，結果反應不俗呢！」
逆市細舖搬大舖
工作坊愈做愈旺，Kady就與鐳射切割店老闆合租位於新蒲崗的工廈單位，面積比舊舖大10倍。投資者主要是Kady及鍢射切割店老闆，同事們就以co-partner形式合作，以多勞多得的工作量計算方法，以此鼓勵他們為公司獻策。
同時，她亦透過參賽提升知名度，「我們最近得了出口商會舉辦的智營禮品設計大獎優異獎，商會把我們的產品於會展、大型商場作展示，又會協助聯絡海外潛在客戶。」她正研究進一步增加產量，以應付未來更多的訂單。
